ប៉ូលីសខាងសីលធម៌អ៊ីស្លាមនៅក្នុងប្រទេសម៉ាឡេស៊ី បានចាប់ផ្តើមប្រឆាំងនឹងថ្ងៃបុណ្យនៃក្តីស្រឡាញ់ នៅក្នុងឆ្នាំនេះ ដោយចាប់ខ្លួនគូរស្នេហ៍អ៊ីស្លាមជាច្រើនគូរដែលបានប្រារព្វពិធី khalwat ឫហៅថា “ភាព ជាញាត្តិសន្តានជិតដិតនឹងគ្នា”។ ដោយត្រូវបានចាត់ទុកថាជាប្រពៃណី លោកខាងលិចដែលមិនមាន សីលធម៌។ អាជា្ញធរអ៊ីស្លាមបាននិយាយថា ប្រជាជនម៉ូស្លីមដែលប្រារព្វពិធីបុណ្យនៃក្តីស្រឡាញ់ នឹង “ធ្វើឲ្យមានសេចក្តីក្រោធខឹងពីព្រះអាឡោះ” ។
ក្នុងឆ្នាំ២០០៥ ក្រុមប្រឹក្សា Fatwa ម៉ាឡេស៊ី បានចេញសេចក្តីប្រកាសព័តមានមួយថា Haramថ្ងៃបុណ្យនៃក្តី ស្រឡាញ់គឺត្រូវហាមឃាត់នៅក្នុងសាសនាអ៊ីស្លាម។
ប្រជាជនម៉ាឡេស៊ីប្រហែល៦០%គឺជាជនជាតិម៉ូស្លីម ហើយការហាមប្រាមនៅក្នុងថ្ងៃបុណ្យនៃក្តីស្រឡាញ់ គឺជាសកម្មភាពដ៏មានប្រជាប្រិយមួយ ក្នុងចំនោមសកម្មភាពដ៏ប្រជាប្រិយជាច្រើនដែលត្រូវបានគេចាត់ទុក ថាជា “ការមិនស្របច្បាប់នៅក្នុងសាសនាអ៊ីស្លាម”។ អ្នកឆ្លើយឆ្លងព័ត៌មានរបស់យើង ក្លរ៉ងជួរ បានធ្វើ ដំណើរទៅភាគកណ្តាលរដ្ឋធានីគូឡាឡាំពួរដើម្បីរក មើលព័ត៌មានបន្ថែមទៀតពីករណីនេះ។លោកនួន បូរិន ជូនសេចក្ដីប្រែសម្រួល។
“ដូចដែលខ្ញុំដឹង ថ្ងៃបុណ្យនៃក្តីស្រឡាញ់គឺជាថ្ងៃដែលគេប្រារព្វនូវក្តីស្រឡាញ់ និងសេចក្តីសេ្នហា។ ខ្ញុំពិតជាមិនបានប្រារព្ធពិធីបុណ្យនេះទេ តែពេលខ្លះប៉ុណ្ណោះ មិនមែនរៀងរាល់ឆ្នាំ នោះទេ។ តែប្រសិនបើខ្ញុំប្រារព្ធ ខ្ញុំគ្រាន់តែទៅញ៉ាំបាយល្ងាចប៉ុណ្ណោះ។”
ប៉ុន្តែអាជ្ញាធ័រអ៊ីស្លាមជឿជាក់ថា ប្រជាជនម៉ូស្លីមគួរតែជៀសវាងពិធីបុណ្យនៅថ្ងៃ១៤ កុម្ភះទាំងអស់គ្នា។នៅក្នុងធម្មទេសនាដែលរៀបចំឡើងដោយរដ្ឋនិងអាជ្ញាធ័រសហព័ន្ធអ៊ីស្លាម ប្រជាជនម៉ូស្លីមត្រូវបានគេ ប្រាប់ថា ការស្នើសុំនរណាម្នាក់ជាសង្សាររបស់ពួកគេ អាចឈានទៅរក”រូបសក្ការៈបូជា”។អង្គការបងប្អូនស្រី(NGO Sisters)អ៊ីស្លាមនៅក្នុងសាសនាអ៊ីស្លាម ដែលមានកិត្តិស័ព្ទល្បីល្បាញដោយសារ តែជំហរដ៏រឹងមាំរបស់ខ្លួនក្នុងការប្រឆាំងនឹងការវាយដំស្ត្រី បានលើកឡើងថា អាជ្ញាធ័រមានអាទិភាពរបស់ ពួកគេក្នុងការធ្វើខុសទាំងអស់។
Noor Akmal Zulkifli គឺជាមន្ត្រីកម្មវិធី។
“វាមានបញ្ហាជាច្រើនទៀត។ សំរាប់យើង បញ្ហាស្នូលដែលយើងប្រយុទ្ធ ប្រឆាំងគឺការបង់ប្រាក់លើសោធនអាហារកិច្ច ប្រពន្ធនិងកូនៗដែលត្រូវបោះបង់ចោលដោយប្តីរបស់ពួកគេ ច្បាប់គ្រួសារអ៊ីស្លាមដែលថយក្រោយបំផុតដែលយើងកំពុងតែតស៊ូមតិដើម្បីកែប្រែ។ ទាំងនេះគឺជាបញ្ហា ដែលត្រូវដោះស្រាយបន្ទាន់ ពិតដូចដែលព្យាយាមបញ្ជូនថាមពល និងធនធានរបស់ពួកគេទៅដោះ ស្រាយបញ្ហា ជាក់ស្តែងដូចជាពិធីបុណ្យនៃក្តីស្រឡាញ់ ឫហាមឃាត់យោគៈ ឫហាមឃាត់poco poco។ អង្គការបងប្អូនស្រីនៅក្នុងសាសនាអ៊ីស្លាម(Sisters in Islam) យើងបានបង្កើត តួនាទីជាសាធារណៈអំពីគោលនយោបាយសីលធម៍។ ព្រោះខ្ញុំគិតថាវារំលោភទៅលើសេចក្តីថ្លៃថ្លូរផ្ទាល់ខ្លួន និងភាពឯកជនរបស់បុគ្គលម្នាក់ៗ ហើយជាថ្មីម្តងទៀត នេះវាប្រឆាំងនឹងដួងព្រលឹងរបស់អ៊ីស្លាម។
កាលពីប៉ុន្មានឆ្នាំថ្មីៗនេះ អាជ្ញាធ័រអ៊ីស្លាមនៅក្នុងប្រទេសម៉ាឡេស៊ីបានប្រកាសពីសកម្មភាពដែលមាន ប្រជាប្រិយភាពមួយចំនួនថាជាHaram។
ក្នុងឆ្នាំ២០០៨ ក្រុមប្រឹក្សាFatwaជាតិបានប្រកាសថាយោគៈជាសកម្មភាពមួយដែលខុសនឹងច្បាប់ ដោយ អះអាងថាវាជាប់ទាក់ទងនឹងសាសនាហិណ្ឌូដែលអាចធ្វើឲ្យចុះអន់ថយនូវជំនឿរបស់ប្រជាជនម៉ូស្លីមដែល បានអនុវត្តលំហាត់កីឡានោះ។
កាលពីឆ្នាំមុន អ្នកដឹកនាំសាសនាប្រចាំនៅរដ្ឋPerak បានហាមឃាត់ការរាំpoco pocoឥណ្ឌូនេស៊ី ដោយ អះអាងថាវាមានធាតុរបស់សាសនាគ្រឹស្ត ព្រោះជំហានរបស់វាបង្កើតជាសញ្ញាឈើឆ្កាង។ ឥលូវនេះអនុស្សរណះការតវ៉ាកំពុងស្រែកអំពាវនាវសុំបញ្ឈប់រាល់ការផ្សព្វផ្សាយពីទិវានៃក្តីស្រឡាញ់ ដែលត្រូវបានផ្តោតសំខាន់ទៅលើប្រព័ន្ធផ្សព្វផ្សាយក្នុងស្រុកទាំងអស់។ ហើយចលនាពិតជាមានអ្នកគាំទ្រ។MohdSaifulមកពីរដ្ឋPerakធ្វើការពន្យល់។
“ជាទស្សនៈផ្ទាល់ខ្លួន តាមរយៈទស្សនវិស័យសាសនា វាប្រឆាំងនឹង ការបង្រៀនរបស់សាសនាអ៊ីស្លាម ព្រោះវាមានធាតុរបស់សាសនាគ្រឹស្ត។ ហើយខ្ញុំជឿជាក់យ៉ាងខ្លាំងថា តាមវិធីខ្លះវានឹងប៉ះពាល់ដល់ពួកយើង ព្រោះសំរាប់ពួកយើងជាម៉ូស្លីម យើងតែងតែពឹងផ្អែកលើគម្ពីរគូរ៉ាន ហើយយើងជឿជាក់ថាអ្វីៗទាំងអស់នេះមានធាតុរបស់សាសនាដទៃៗទៀត។ ខ្ញុំជឿថា ការណែនាំឲ្យទប់ ស្កាត់ការប្រារព្ធពិធីនេះ ក៏ល្អផងដែរដូចដែលវាជួយកាត់បន្ថយសកម្មភាពបាបកម្មមួយចំនួន។
តែ Akik Sanyol ជាគ្រឹស្តសាសនិកម្នាក់មកពីរដ្ឋSarawakនិយាយថា នេះជាឧទាហរណ៍មួយផ្សេងទៀត នៃការអភិរក្សនិយមសាសនា ដែលកំពុងតែបំផ្លាញពហុនិយមនៅក្នុងប្រទេសម៉ាឡេស៊ីដែលមានជាតិ សាសន៍ច្រើន។
“កម្មវិធីទាំងនេះត្រូវបានប្រារព្ធជាច្រើនឆ្នាំមកហើយដោយប្រជាជនម៉ូស្លីម ប្រជាជនចិន និងប្រជាជនឥណ្ឌា។ មិនដែលមានករណីបែបនេះដែលថាវាជាកម្មវិធីរបស់ គ្រឹស្តសាសនិកដែលអ្នកមិនគួរប្រារព្ធនោះទេ។ ពេលនេះអ្វីៗដែលប្រជាជនម៉ូស្លីមធ្វើ គឺខុស ព្រោះវាមាន អ្វីម្យ៉ាងដែលត្រូវធ្វើជាមួយគ្រឹស្តសាសនិក។ ដូច្នេះអ្វីក៏ដោយដែលគ្រឹស្តសាសនិកធ្វើគឺខុស ព្រោះអ្វីដែល អ្នកធ្វើ អ្វីដែលអ្នកនិយាយ គឺប្រឆាំងនឹងម៉ូស្លីម។ នេះជាគំនិតខុសឆ្គងមួយ។ សំរាប់ខ្ញុំ វាច្បាស់ និងសាមញ្ញ ណាស់ទៅហើយ ថានេះជានយោបាយ។
ជំនួសឲ្យការចូលរួមនៅក្នុងជម្លោះ រដ្ឋមន្ត្រីព័ត៌មានម៉ាឡេស៊ីបានសង្កត់ធ្ងន់ទៅលើសារៈប្រយោជន៍នៃ ពហុវប្បធម៌និយម និងការគោរពវប្បធម៌ខុសៗគ្នា។ ការចោទប្រកាន់ប្រឆាំងនឹងប្រជាជនមិនមែនជាជន ជាតិម៉ាឡេ ដែលព្យាយាមដណ្តើមឋានៈពិសេសរបស់អ៊ីស្លាម ហើយប្រជាជនម៉ាឡេបានកើនឡើងតាំងពី ការបោះឆ្នោតទូទៅចុងក្រោយគេបង្អស់ក្នុងឆ្នាំ២០០៨ ដែលរដ្ឋាភិបាលកំពុងកាន់អំណាចបានបាត់បង់រដ្ឋ ចំនួន៥ទៅលើគណបក្សប្រឆាំង។
ក្នុងឆ្នាំ២០១០ វិហារគ្រឹស្ត៣នៅរដ្ឋធានីគូឡាឡាំពួរត្រូវបានវាយប្រហារដោយគ្រាប់បែក។ ការវាយប្រហារ បានកើតឡើងបន្ទាប់ពីតុលាការកំពូលគូឡាឡាំពួរ បានដាក់ចេញការហាមប្រាមរយៈពេល៣ឆ្នាំលើជន មិនមែនម៉ូស្លីមក្នុងការប្រើពាក្យ អាឡស់(Allah)។
កាលពីឆ្នាំមុន រដ្ឋាភិបាលដែលមានតភ្ជាប់គ្នាជាបណ្តាញមួយ ដែលមានពួកស្តាំនិយម ក្រុមPerkasa ម៉ាឡេ និង សារព័ត៌មានក្នុងស្រុក “Utusan Malaysia” បានចោទប្រកាន់បក្សប្រឆាំងពីបទរួមគំនិតក្បត់ ក្នុងការកែប្រែប្រទេសម៉ាឡេស៊ីទៅជារដ្ឋគ្រឹស្តសាសនិក។ បន្ទាប់មក ព្រះវិហារគ្រឹស្តនៅSelangor ត្រូវបានវាយឆ្មក់ក្នុងគោលបំណងដើម្បីកែប្រែម៉ូស្លីម អោយទៅជារបស់មហាជន។Noor Akmal មកពីអង្គការបងប្អូនស្រីនៅអ៊ីស្លាម។
“ខ្ញុំគិតថានៅចុងបញ្ចប់ វាអាស្រ័យលើមនុស្សដែលជាប់ពាក់ព័ន្ធក្នុងសកម្ម ភាពនោះ។ តើគោលបំណងប្រភេទណាដែលពួកគេមាន នៅពេលគេប្រព្រឹត្តិបែបនោះ។ តើអ្នកអាច និយាយបានទេថា ពេលគេចាប់ផ្តើមរាំ poco poco គឺពួកគេចាប់ផ្តើមគិតពីសាសនាគ្រឹស្ត? ពួកគេនឹង ទទួលឥទ្ធិពល ហើយប្តូរទៅជាគ្រឹស្តសាសនិក។ ខ្ញុំគិតថា នោះជាគំនិតដែលរាក់កំហែលនិងចង្អៀតចង្អល់ ពេកហើយ ក្នុងការមើលវត្ថុផ្សេងៗ។ សំរាប់ប្រជាជនម៉ាឡេស៊ីធ្វើចលនាទៅមុខ ទាំងប្រជាជនម៉ូស្លីម និងមិនមែនម៉ូស្លីម ខ្ញុំគិតថាការដាក់កម្រិតព្រំដែនទាំងនោះ ពិតជាគួរតែត្រូវបានពិចារណាឡើងវិញ។
ដូច្នេះសំរាប់ថ្ងៃបុណ្យនៃក្តីស្រឡាញ់ វានឹងមានផ្កាកុលាបសំរាប់មនុស្សមួយចំនួន និងពេលវេលាជាប់ ពន្ធនាគារសំរាប់អ្នកដទៃ នៅឆ្នាំនេះ។
